心头愿 (feat. 林奕硕)
 作词 : 林奕硕
 作曲 : 萧煌奇/林奕硕
 制作人Producer：萧煌奇 Ricky Hsiao（黑色吉他工作室）
 编曲Arranger：林奕硕 I-Shuo Lin
 吉他 Guitar：林奕硕 I-Shuo Lin
 贝斯 Bass：林威佐 Wei-Zuo Lin
 鼓组 Drumset：陈奕欣 Dee Chen
 琵琶、三弦、叫锣、四块 Pî-pê, Sam-hiân, Kiò-lô, Sì-tè：董旭芳 Hsu-Fang Tung
 洞箫、二弦、响盏、四块 Tōng-siau,Lī-hiân, Hiúnn-tsuánn, Sì-tè：林芷柔 Zhi-Rou Lin
 配唱录音师 Recording Engineer (Vocals) : 郭博文 Dr.Po
 配唱录音室 Recording Studio (Vocals) :黑色吉他录音室 Black Guitar Music Studio
 混音师 Mixing Engineer :林正忠 Jerry Lin
 混音录音室Mixing Studio :白金录音室 Platinum Studio
萧：咧欲袂赴矣～呜～　咧欲袂赴矣～呜～
萧：这个故事欲来讲咱台湾
足济闹热阵头歌仔　阁有北管南管
彼有人看袂顺眼　听了会烦
阁有人敲电话去环保局　叫in就爱管
无人佮意　无人欲挃　无人了解伊的媠
无人了解伊的趣味　无人想欲学伊
古早人念的歌诗　古早时鼻会着的气味
敢真正会消失去
心头～心头～闷憔憔～
萧：要紧食要紧穿　要紧趁钱欲来用
传统文化强欲无去　嘛是拢无人管
林：要紧娶要紧嫁　要紧买厝欲来税
南管北管强欲消失　嘛是拢毋捌管
合：有闲加减了解一寡　有心罔学唱予大声
随咱祖先的交迹　咧欲袂赴矣　咧欲袂赴矣
合：咧欲袂赴矣～呜～　咧欲袂赴矣～呜～
林：煞落来欲来讲　咱现在的台湾
虽然古早艺术　已经有一部分失传
不而过这马的观念　来到无仝的坎站
有人保存　有人创新　有人出国展览萧：赞哦！
合：今仔日写～这条感慨的歌
你愿意听到遮　我有影足感谢
希望这个歌词　对你有意义
未来是圆抑是扁　咱继续共看落去
合：心愿～心愿～会成全～
林：要紧食要紧穿　要紧趁钱欲来用
传统文化强欲无去　嘛是拢无人管
萧：要紧娶要紧嫁　要紧买厝欲来税
南管北管强欲消失　嘛是拢毋捌管
合：有闲加减了解一寡　有心罔学唱予大声
随咱祖先的交迹　咧欲袂赴矣　咧欲袂赴矣
你管我管逐家管　将来就会无仝款
萧：无仝款　爱你管　就是爱你来管
较紧咧毋好阁等　无时间通歇喘
用怙听的　用怙看的　拢是文化　拢是咱人的财产
林：未来的台湾　会变啥物款　嘛着爱靠咱
靠咱用心计较　沓沓仔拍拚　功夫学予透
合：音乐继续奏　心脏咇噗跳
今后是好景致　学文化当着时　锣鼓吹双爿边
八家将车鼓歌　咱毋惊车倒摊
咱毋惊落涂烂　咱只求枝叶代代湠
（取材传统南管曲：心头闷憔憔）